AIZTI
AIZTI Nafarroako ingurune naturala ezagutu, zaindu eta leheneratzeko sortutako ingurumen-aholkularitzako proiektua da. 2023az geroztik, administrazio publikoei, toki-erakundeei, enpresei eta gizarte-eragileei laguntzen diegu natura-inbentarioak egiten, ekosistemak leheneratzen eta ingurumen-hezkuntzako programak garatzen, ikuspegi tekniko zorrotzarekin eta lurraldearekiko konpromiso sendoarekin.
Proiektu bakoitzaren beharretara egokitzen den profesional-sare batekin egiten dugu lan: biologoak, baso-ingeniariak, ingurumen-teknikariak, kartografia eta GIS arloko adituak nahiz ingurumen-hezitzaileak. Horrela, lan bakoitzerako ezagutza eta esperientziarik egokiena bermatzen dugu.
Lan-taldea
_edited_edited.jpg)
Gure lan egiteko era
Lankidetza da gure lan egiteko moduaren oinarria. Horregatik, proiektu bakoitzerako diziplina anitzeko talde teknikoa osatzen dugu, espezializazioa eta lurraldearen ezagutza uztartuz. Horrela, bezero bakoitzaren beharretara egokitutako ingurumen-irtenbide tekniko eraginkorrak eskaintzen ditugu, betiere kalitate, malgutasun eta zorroztasun profesionalarekin.
Gure misioa
Ingurumenaren kontserbazioa eta garapen jasangarria sustatuko dituzten irtenbide tekniko eta hezitzaileak eskaintzea, oinarri zientifikoa duten lan-metodologien eta parte-hartze prozesuen bidez.
Gure bisioa
Nafarroako eta Euskal Herriko ingurumen-aholkularitzaren erreferente izatea, natura-inbentarioen kalitate teknikoagatik, leheneratze ekologikoko proiektuen eraginkortasunagatik eta ingurumen-hezkuntzako programen balioagatik aitortua.
Gure lana gure bermea
Azken urteotan, natura-inbentarioak, lehenegoratze ekologikoko proiektuak eta ingurumen-hezkuntzako programak garatu ditugu Nafarroako hainbat udalerri eta eskualdetan. Lan guztietan helburu bera partekatzen dugu: ingurumenaren ezagutza hobetzea, natura-ondarea zaintzea eta tokiko erakunde eta komunitateei balio erantsia eskaintzea, irizpide tekniko sendoetan oinarritutako irtenbideekin.